សេចក្តីអំពាវនាវ ចូលរួមបាតុកម្មអហិង្សា ដើម្បីទាមទារដំឡើងប្រាក់ខែ នៅថ្ងៃ អាទិត្យ ទី ៣០ ខែធ្នូ ឆ្នាំ២០១២ នៅវេលាម៉ោង ៧.៣០នាទីព្រឹក នៅមុខមន្ទីររដ្ឋសភាចាស់

សម្ព័ន្ធសហជីពកម្ពុជា (CATU) សូមធ្វើការអំពាវនាវដល់បងប្អូនកម្មករ​កម្ម​ការិនីទាំងអស់ អញ្ជើញ ចូលរួមធ្វើបាតុកម្មអហិង្សា ដើម្បីទាមទារ​ដំឡើង​ប្រាក់​ខែ​​គោល ពី ៦១​ដុល្លារ ទៅ ១៥០ដុល្លារក្នុង​មួយខែៗសម្រាប់បងប្អូន ​ នៅ​ថ្ងៃ អាទិត្យ ទី ៣០ ខែធ្នូ ឆ្នាំ២០១២ វេលា ម៉ោង ៧.៣០នាទី​ព្រឹក នៅ សួនច្បារ​មុខ​រដ្ឋសភាចាស់  (ខាងត្បូងព្រះបរមរាជវាំង) ។ 

ដូច្នេះសូមបងប្អូនកម្មករ​កម្មការិនី​ទាំង​អស់ នាំគ្នាចូលរួមទាម​​ទារ​ទាំង​អស់គ្នា ពីព្រោះខាង មន្រ្តី​រាជ​​ការ​​បាន​​ឡើង ២០%ក្នុង​មួយឆ្នាំៗ រីឯខាងបងប្អូន​កម្មករ​​​កម្មការិនី​​ យើងវិញ​ មិន​បាន​ឡើង​​​​នោះ​ឡើយ ។ បាតុកម្មនេះក៏មានវត្តមានលោក រ៉ុង ឈុន ប្រធានសហភាព សហជីពកម្ពុជា ចូលរួមផងដែរ ។

អាស្រ័យដូចនេះ សូមបងប្អូនកម្មករ​កម្មការិនីទាំងអស់​ កុំប្រកាន់សហជីពណា​ដឹកនាំ គឺជា ផលប្រយោជន៏របស់បងប្អូន អញ្ជើញមកចូលរួមធ្វើ​បាតុ​កម្ម​ទាមទារ​តាម​ពេលវេលានិង ទីកន្លែង កំណត់ឲ្យបាន​ច្រើន​កុះករកុំបីខាន​ឡើយ ៕