ការកកើតសម្ព័ន្ធសហជីពកម្ពុជា

កម្មករកម្មការិនីរាប់រយនាក់បានរួមគ្នាបង្កើតសហជីពមួយ ដែលមានឈ្មោះថាសម្ព័ន្ធសហជីព កម្ពុជា (CATU) កាលពីថ្ងៃទី ១១ ខែធ្នូ ឆ្នាំ២០១១ ក្នុងគោលបំណងដើម្បីការពារសិទ្ធិ​ និងការពារ ផលប្រយោជន៍ស្របច្បាប់របស់ពួកគាត់ ។ ដែលមានលោកស្រី យ៉ាង សុភ័ណ្ឌ ជាប្រធាន, លោក ស្រី តូច សោភ័ណ្ឌ ជាអនុប្រធាន, លោក ម៉ៃ សុភ័ត្រ្តា ជាលេខាធិការ និងគណៈកម្មាធិការនាយក មួយចំនួនទៀត ជាថ្នាក់ដឹកនាំ ។

សម្ព័ន្ធសហជីពកម្ពុជានេះ ត្រូវបានក្រសួង​ការ​ងារនិងបណ្តុះបណ្តាលវិជ្ជាជីវៈទទួលស្គាល់តាម រយៈការចុះបញ្ជិកាលេខ : ២៣៨៣ក.ប/វក ចុះថ្ងៃទី ១៦ ខែមករា ឆ្នាំ២០១២​ ត្រឹមត្រូវតាមច្បាប់ ។

បន្ទាប់ពីសម្ព័ន្ធសហជីពកម្ពុជានេះមានច្បាប់ត្រឹម ត្រូវហើយសហជីពបានចាប់ផ្តើមដំណើរការ ងាររបស់ខ្លួនដោយឈរលើការការពារសិទ្ធិសេរីភាព និងផលប្រ​យោ​​ជន៍ស្របច្បាប់របស់បងប្អូន កម្មករកម្មការិនីគ្រប់ៗរូប ។

សហជីពនេះមានការពេញចិត្តពីបងប្អូនក​ម្ម​ករកម្មការិនីគ្រប់ៗរូបការពារបងប្អូនកម្មករកម្មកា រិនីពិតប្រាកដ ។​ មិនដូចសហ​ជីពផ្សេងៗ ដែលយកការគាំទ្ររបស់កម្មករ ទៅឃុបឃិតជាមួយ ថៅកែរោងចក្រ/សហគ្រាស ដើម្បីតែប្រយោជ​ន៍ផ្ទាល់ខ្លួន និងក្រុមបក្ខពួកខ្លួនតែប៉ុណ្ណោះ ។

 សម្ព័ន្ធសហជីពកម្ពុជា បានធ្វើយុទ្ធនាការទាម​ទារនូវអត្ថប្រយោជន៍ផ្សេងៗ ដូចជា ៖ សោហ៊ុយ ធ្វើ ដំណើរ ឬ​ថ្លៃ​ឈ្នួលផ្ទះចំនួន១៥ដុល្លារ​ក្នុងមួយខែ,ដំឡើង ​ប្រាក់​រង្វាន់ទៀងទាត់​(ប្រាក់ព្រីម) ចំនួន ១២ដុល្លារ​ ក្នុងមួយខែ,​ ផ្តល់ប្រាក់សម្រាប់អាហារថ្ងៃត្រង់ចំនួន ៤០០០រៀល​ ​​ក្នុងមួយពេល,​ ដំឡើង ប្រាក់ខែគោលពី៦១​ដុល្លារ​ ទៅ ១២០ដុល្លារក្នុង​មួយខែ និងជំរុញឲ្យថៅកែរោងចក្រ/សហគ្រាស គោរពសិទ្ធិរបស់បងប្អូនកម្មករកម្មការិនីឲ្យបានត្រឹមត្រូវតាមច្បាប់ការងារ ។ ក្រោយពីសម្ព័ន្ធសហ ជីពកម្ពុជាធ្វើយុទ្ធ នាការចែកខិតប័ណ្ណទាមទារចំនួនប្រាំ​មួយ​ម៉ឺនច្បាប់រួចមក ទើបមានការប្រជុំ សម្រេចពីក្រសួង​ការងារ ថ្ងៃទី១១ ខែកក្កដា ឆ្នាំ២០១២ បានផ្តល់ប្រាក់សោ​ហ៊ុយ​ធ្វើដំណើរ ឬថ្លៃ ឈ្នួលផ្ទះចំនួន ៧ដុល្លារក្នុងមួយខែ, ដំឡើងប្រាក់​រង្វាន់ទៀងទាត់​(ប្រាក់ព្រីម) ចំនួន ១០ដុល្លារ ក្នុងមួយខែ បើរោងចក្រ/សហគ្រាស គ្រឹះស្ថានណាដែលមានផ្តល់ប្រាក់​លើសពីការ កំណត់នេះ​ ត្រូវរក្សាការលើសនោះឲ្យនៅដដែល ៕